Kryetari i Komunës së Pejës, z.Gazmend Muhaxheri me bashkëpunëtorë priti në takim një delegacion nga Grupi i Zbatimit të Ligjit të Iowa-s (SHBA), z.Dennis McDaniel, Shef i Departamentit të Policisë së qytetit të Johnstonit, z.Jeff Bladel, Shef i Policisë së Qytetit të Davenportit, z.Brady Carney, Drejtor i Akademisë së Zbatimit të Ligjit të Iowas (ILEA), Kapiten z.Nathan Andrews nga Iowa Department of Public Safety, Detektivi Jack Haller nga Departamenti i Policisë së qytetit të Norwalkut, Gjeneral Majori (në pension), z.Timothy Orr, ish-Adjutant i Përgjithshëm i Gardës Kombëtare të Iowas, si dhe Kapiten, z.Lulzim Krasniqi, atashe policor Washington DC-Policia e Kosovës.
Gjatë takimit u diskutua për mundësitë e reja të bashkëpunimit, shkëmbimin e përvojave dhe ndarjen e praktikave më të mira, të cilat do të kontribuojnë në forcimin e sigurisë dhe përmirësimin e shërbimeve për qytetarët tanë.
Kjo vizitë është një dëshmi tjetër e miqësisë dhe partneritetit të qëndrueshëm me Shtetet e Bashkuara të Amerikës, që vazhdojnë të jenë një urë e fortë bashkëpunimi për komunën tonë.
