Komuna e Pejës, përkatësisht Drejtoria për Mirëqenie Sociale, ka nënshkruar kontratat me organizatat joqeveritare përfituese të subvencioneve për vitin 2026, të përzgjedhura në kuadër të thirrjes publike për mbështetjen e OJQ-ve me karakter social.
Me rastin e nënshkrimit të kontratave të pranishëm ishin Kryetari i Komunës së Pejës, z.Gazmend Muhaxheri, Drejtoresha për Mirëqenie Sociale, znj.Albulena Mujaj Bajraktaraj dhe U.D. Drejtoresha e Qendrës për Punë Sociale, znj.Shpresa Lukaj.
Kryetari Muhaxheri i falënderoi organizatat për punën dhe kontributin e tyre të vazhdueshëm në ofrimin e shërbimeve sociale për qytetarët e Komunës së Pejës.
OJQ-të përfituese dhe projektet e mbështetura për vitin 2026 janë:
1.Qendra për Jetë të Pavarur (Q.J.P.) – Ofrimi i shërbimeve sociale për personat me aftësi të kufizuara mendore në Komunën e Pejës.
2.Duart Plot Mëshirë – Mbështetje shëndetësore dhe sociale për komunitetin.
3.Qendra për Mirëqenien e Gruas – Shërbime rezidenciale dhe riintegruese për gratë dhe fëmijët e mbijetuar nga dhuna në familje.
4.Handikos-Pejë – Shërbime cilësore për personat me aftësi të kufizuara në Komunën e Pejës.
5.PEMA – Qendra e Kujdesit Ditor – Mbështetje e integruar dhe gjithëpërfshirëse për zhvillimin dhe mirëqenien e fëmijëve me aftësi të kufizuara.
6.Asociacioni i të Sëmurëve nga Diabeti në Pejë (ASDP) – Menaxhimi dhe mbështetja për qytetarët me diabet, me fokus të veçantë te fëmijët.
7.OJQ “PRINCESHA” – Shërbime ditore të drejtpërdrejta dhe asistencë materiale për personat e moshuar në Komunën e Pejës.
8.SHHBK “Nënë Tereza” – Shërbime sociale dhe përkujdesëse për të moshuarit.
9.OFAP – Organizata për Fëmijët Pakujdes Prindëror – Fuqizimi i strehimit familjar dhe mbështetja psiko-sociale për fëmijët në nevojë.
10.Shoqata Ndërkomunale e të Verbërve – Pejë – Mbështetje dhe shërbime për personat e verbër në Komunën e Pejës.
Komuna e Pejës mbetet e përkushtuar, që përmes këtyre projekteve të vazhdojë mbështetjen e kategorive të ndryshme sociale, duke kontribuar në përmirësimin e cilësisë së jetës së qytetarëve dhe në ndërtimin e një shoqërie më gjithëpërfshirëse dhe solidare.
