Në Sallën e Kuvendit Komunal u mbajt mbledhja e rregullt e Këshillit Komunal për Siguri në Bashkësi (KKSB), e cila u udhëhoq nga nënkryetari i Komunës së Pejës, z. Fatmir Asllani.
Gjatë mbledhjes u diskutua për gjendjen aktuale të sigurisë në komunë, gjendjen në institucionet arsimore me fillimin e vitit të ri shkollor, si dhe për forcimin e bashkëpunimit ndërmjet Policisë së Kosovës dhe komunitetit.
Vëmendje e veçantë iu kushtua edhe mbikëqyrjes së lokaleve pranë objekteve shkollore, me qëllim të parandalimit të dukurive të paligjshme dhe trafikimit me substanca narkotike.
Po ashtu, u diskutua për mirëmbajtjen dhe sanimin e rrugëve, përfshirë dëmtimet dhe gropat në rrugët e qytetit dhe në fshatra, si dhe për organizimin e transportit të nxënësve nga zonat rurale.
Në fund të mbledhjes u zhvilluan diskutime nga anëtarët e KKSB-së dhe u përcaktuan konkluzione dhe rekomandime për çështjet e trajtuara.
