Sot, në zyrën e Kryetarit të Komunës së Pejës, z. Gazmend Muhaxheri, u zhvillua takimi zyrtar me delegacionin nga qyteti i Indios, në shtetin e Kalifornisë, SHBA, me rastin e fillimit të procedurave për binjakëzimin e dy qyteteve.
Me këtë rast, Kryetari Muhaxheri, së bashku me bashkëpunëtorët e tij, priti delegacionin nga qyteti i Indios, në përbërje të:
Mr. Glenn A. Miller – Anëtar i Këshillit të Qytetit të Indios dhe përfaqësues i distriktit të kongresistit amerikan Ken Calvert.
Mr. Matthew McLeroy – President i Rotary Club Indio Sunrise dhe anëtar i organizatave udhëheqëse në rajonin e Coachella Valley.
Mr. Jason Jackson – President dhe CEO i Southwest Protective Services, Inc., ish-kryetar dhe ish-anëtar i Këshillit të Qytetit të El Centro, Kaliforni.
Fillimi i këtij procesi përbën një hap të rëndësishëm në avancimin e bashkëpunimit ndërkombëtar të Pejës dhe krijimin e një partneriteti të qëndrueshëm ndërmjet dy qyteteve.
Ky bashkëpunim synon të krijojë mundësi të reja në fushën e zhvillimit ekonomik, kulturës, turizmit, arsimit, shkëmbimit të përvojave institucionale dhe realizimit të projekteve të përbashkëta në të ardhmen.
Për Komunën e Pejës, zgjerimi i partneriteteve ndërkombëtare mbetet një angazhim i rëndësishëm institucional, në funksion të promovimit të qytetit dhe krijimit të mundësive të reja për qytetarët e saj.
Peja vazhdon të ndërtojë ura bashkëpunimi dhe miqësie me qytete dhe institucione në Shtetet e Bashkuara të Amerikës.
Një hap i ri drejt bashkëpunimit dhe partneritetit ndërkombëtar! 🇽🇰🇺🇸



































