XHENET SYKA KELMENDI
KONTAKTET
Adresa: Aleksander Moisiu PN – Pejë
Tel: +383 45 218 000
Email: xhenet.syka@rks-gov.net
Ka lindur në Pejë ku ka mbaruar shkollën fillore dhe të mesme për të mbaruar me studime në
Biznes Administrim.
Karrierën profesionale e ka filluar në Shtator të vitit 1999 si gazetare në Radio “Dukagjini”, për
të vazhduar si redaktore përgjegjëse dhe drejtoreshë administrative në Televizionin
“Dukagjini”, ku ka punuar deri në Janar të vitit 2017. Gjatë kësaj periudhe shquhet në drejtimin
e emisioneve autoriale nga lëmi politiko-social, ekonomik, shëndetësor dhe ai kulturor.
Pas mbarimit të masterit profesional EMBA në IEDC-Bled School of Management, është
angazhuar edhe si lektore dhe drejtuese për Marketing dhe Marrëdhënie me Publikun në
Kolegjin Evropian”Dukagjini” në Pejë, ku ka qenë edhe anëtare e bordit menaxhues.
Rrugëtimin politik e ka filluar në vitin 2007 si asambleiste në K.K. Pejë, për të vazhduar këtë
detyrë edhe tre mandate të tjera duke qenë se ishte njëra ndër femrat më të votuar në nivel vendi.
Shquhet për ideologjinë feministe dhe është aktiviste për të drejtat e njeriut me theks të veçantë
pë gratë dhe fëmijët. Prej vitit 2010 është kryetare e bordit profesional tek Qendra për
Mirëqenien e Gruas – Shtëpia e Sigurt në Pejë, detyrë kjo që drejtpërdrejt e plason si anëtare e
rrjetit të grave aktiviste në Evropë – WAVE-Europe.
Është autore dhe redaktore e shumë artikujve dhe kolumneve profesionale për çështjen e
përhapjes së dhunës në baza gjinore dhe ka botuar artikuj në revista vendore dhe ndërkombëtare
me impakt faktor, përfshirë temat me hulumtime të avansuara pë pozitën e gruas shqipëtare nga
spektri vendor dhe global.
Në Qershor 2018, e emëruar nga kryetari Gazmend Muhaxheri, ka filluar me drejtimin e
Drejtoratit për Zhvillim Ekonomik për të inkorporuar një vizion të ri dhe inovativ në konceptin e
zhvillimit ekonomik dhe turizmit në Komunën e Pejës.
Vizioni: Si drejtoresh mbështes parimin se zhvillimi ekonomik është determinuesi krucial i
stabilitetit politik, ekonomik dhe social, ndërsa argumenti më efektiv për të shpëtuar planetin
tokë mbetet industria e turizmit dhe ka për qëllim zhvillimin e gjithmbarëshëm të prodhimit dhe
shërbimeve si dhe brendimin e Komunës së Pejës me “I ♥ PEJA”.
FUSHËVEPRIMTARIA E DREJTORISË:
– Udhëheqja me resurset kulturore, rinore e sportive lokale
– Bërja publike e buxhetit në dispozicion, për çdo vit, për përgatitjen e aktiviteteve kulturore, rinore dhe sportive, duke përfshirë paratë e grandeve që janë në dispozicion të personave të kualifikuar, si dhe përpilimi i rregulloreve për dorëzimin e aplikacioneve për grande dhe caktimin e grandeve;
– Mbështetja, koordinimi dhe ndjekja e ecurisë së zbatimit të projekteve kulturore, rinore e sportive të ideuar nga sektorët profesionalë që veprojnë në kuadër të këtij Drejtorati.
– Mbikëqyrja, përkrahja dhe monitorimi i drejtpërdrejtë i veprimtarinë kulturore rinore e sportive të institucioneve në varësi të DKRS si produkt i politikave zhvillimore.
– Dizajnimi dhe implementimi i politikave zhvillimore në fushën e trashëgimisë kulturore, të artit skenik-muzikor, arteve pamore, botimeve dhe bibliotekarin në përputhshmëri me standardet ndërkombëtare.
– Përgatitja e rregulloreve të punës për funksionalizimin dhe mbarëvajtjen e punëve në Institucione kulturore, rinore e sportive
– Shënimi i datave me rëndësi historike
– Organizimi i debateve për zhvillim dhe avancim të kulturës, rinisë dhe sportit;
– Organizimi i anketave, seminareve e trajnime të ndryshme, inkuadrimi i të rinjve kosovarë në aktualitet rinore, evropiane e botërore;
– Rishqyrtimi i raporteve kontraktuese në lidhje me objektet e kulturës, të rinisë dhe të sportit;
– Mbledhja e shënimeve faktike mbi të arriturat në kulturë, rini dhe sport;
– Raportimi për punë- Kryetarit të Komunës, Kuvendit të Komunës, komitetit përkatës,
– Regjistrimi i grupeve, klubeve, ansambleve etj.
– Bashkëpunimi me qytete dhe shtete tjera, për të mundësuar një integrim të mirëfilltë dhe këmbim përvojash, si dhe me OJQ e organizata të tjera;
– Nxitja dhe motivimi I krijimtarinë së brezit të ri për përfshirjen e tyre në jetën artistike kulturore të qytetit dhe më gjerë.
– Respektimi, përkrahja dhe ndihma për asociacione, klube dhe shoqata, dhe zbulimi i individëve me aftësi të posaçme kreative, pa bërë ndonjë dallim racor, gjinor, religjioz, nacional etj.;
– Ofrimi i institucioneve të veta në shërbim të përgjithshëm të qytetarëve (me veprimtaritë parësore që kryejnë ato);
– Kujdeset edhe për formacione të tjera nga kultura e sporti, që nuk kanë hapësirë e kushte pune;
– Ushtron edhe kompetenca tjera që mund t’i caktohen me ligj ose që delegohen nga pushteti qendror.
Drejtorati për K.R.S nëpërmjet sektorëve të saja mbikëqyrë në aspektin administrativ, menaxherial, profesional dhe financiar këto Institucione:
– Teatri profesional “Istref Begolli” – Pejë
– Biblioteka ndër-komunale “Azem Shkreli”-Pejë
– Shtëpia e Kulturës-Pejë
– Galeria e arteve-Pejë
– Muzeu etnologjik-Pejë
– Mulliri i Haxhi Zekës
– Kino-Teatri “Jusuf Gërvalla”-Pejë
– Shtëpia e Kulturës-Vitomiricë
– Shtëpia e Kulturës-Zahaq
– Qendra Kulturore për fëmijë dhe të rinj -Pejë
– Qendra Multi-Profesionale-Novosellë
– Palestra e Sporteve “Karagaqi”-Pejë
– Salla e vogël “Karagaqi”-Pejë
– Stadiumi i basketbollit-Pejë
– Fushat e tenisit-Pejë
DKRS monitoron edhe Institucionet regjionale si:
– Arkivi regjional dhe
– Instituti për mbrojtjen e monumenteve kulturo-historike në Pejë,
DKRS poashtu mbikëqyrë:
– Stadiumin e futbollit “Shahin Haxhiislami” – Pejë,
– Terrenin sportiv (në afërsi të stadiumit) dhe
– Stadiumin e futbollit në Vitomiricë.
