Kryetari i Komunës së Pejës Ali Berisha me bashkëpunëtor ka pritur në një takim përgëzimi Përfaqësuesit e Klubit të Hendbollit Besa fitues të Kupës së Kosovës për vitin 2011.
Komuna e Pejës këtë vit ka arritur rezultate të jashtëzakonshme në të gjitha sportet qoftë ato kolektive qoftë ato individuale. Sukseset e K.H.”Besa” janë evidente këto vitet e fundit e edhe këtë vit fituat kupën dhe shpresojmë që do të shpalleni edhe kampion. Unë shfrytëzoj rastin qe në emër të Institucioneve Komunale dhe ne emër të qytetarëve të Pejës të ju përgëzoj për suksesin e arritur,e di që keni pasur vështirësi qoftë financiare qoftë të natyrave të ndryshme por motivi juaj dhe angazhimi i palodhur ka rezultuar me suksese. Ne si komunë nuk i kemi kapacitete e mëdha financiare për të ndihmuar sportin,por në bazë të mundësive tona kemi ndihmuar dhe do të vazhdojmë të ju ndihmojmë tha Kryetari Berisha në fjalën e rastit.
Me lejoni që në emër të klubit dhe në emrin tim të ju falënderojmë juve si Institucion dhe sponsoret për përkrahjen kontinuitive të K.H.Besa sepse me përkrahjen tuaj dhe me angazhimin tonë klubi që një kohë të gjatë është ne kreun e tabelës. Ne kemi arritur të fitojmë kupën synojmë edhe në titullin e Kampionit,por synimi ynë kryesor është suksesi në arenën ndërkombëtare. K.H. Besa për njoftim i ka në veprim të gjitha kategoritë,nga kadetët,juniorët dhe senioret dhe si rrjedhojë e kësaj jemi duke përgatitur kuadro të mire të lojtareve pejan tha Kryetari i klubit Xhafer Dema.
Ne emër të DKRS i përgëzoj për sukseset e këtij klubi dhe ofroj përkrahjen e parezervë në bazë të kapaciteteve dhe mundësive edhe Drejtoresha Shpresa Gjonbalaj.
Kryetari i Komunës së Pejës Ali Berisha me bashkëpunëtor ka pritur në një takim përgëzimi Përfaqësuesit e Klubit të Hendbollit Besa fitues të Kupës së Kosovës për vitin 2011.
