Komuna e Pejës, përkatësisht Drejtoria për Bujqësi, Pylltari dhe Hidroekonomi në bashkëpunim me organizatën Islamic Relief kanë përfunduar me sukses projektin “Fuqizimi bujqësor për popullatat e cenueshme në Kosovë”, për mbështetjen e fermerëve të territorit të komunës së Pejës me pajisje bujqësore dhe serra.
Drejtori për Bujqësi, Pylltari dhe Hidroekonomi në Komunën e Pejës, z.Tahir Shala theksoi s’e projekti është realizuar në përputhje me prioritetet e fermerëve/bujqëve në përmirësimin e kushteve të punës në sektorin e bujqësisë.
Në kuadër të këtij projekti Komuna e Pejës në bashkëpunim me organizatën Islamic Relief kanë shpërndarë këto pajisje bujqësore, siç janë: 22 – freza 1.8m, 22 – freza 2.0m, 15 spërkatëse, 5 mbjellëse misri, 45 serra 100m2 dhe 5 serra 500m2.
Nga ky bashkëpunim kanë përfituar 114 fermerë, nga lokalitete të ndryshme të komunës së Pejës.
Shpërndarja e fundit është realizuar ditën e sotme, ku janë shpërndarë mbjellëse misri dhe është përmbylluar me sukses projekti në bashkëpunim me organizatën Islamic Relief.
