Bashkësia Evropiane ka filluar të ketë një rol me aktiv në procesin e riatdhesimit dhe riintegrimit të personave të riatdhesuar sidomos të komuntetet pakic dhe pikërisht kjo ishte tema e qellimit të vizitës së Ministres së Integrimeve Evropiane Vlora Qitaku në Pejë e cila u prit nga Kryetari Ali Berisha i shoqeruar nga Shefi i zyrës për kthim dhe komunitete dhe përfaqësuesi i Zyrës për Integrime Evropiane dhe bashkëpunëtor të tjerë.
Ministrja e Integrimeve Evropiane Vlora Çitaku me viziten në Pejë e ka filluar një turne nëpër komunat e Kosovës për të folur me pushtetin lokal për rolin e Komunave në procesin e integrimeve për të ardhur deri të udhërrefyesi dhe liberalizimi.
Sa i përket riatdhesimit të qytetarëve ne e kemi nevojën e mbështetjes së institucioneve qendrore në këtë proces i cili kërkon përkushtim dhe bashkëpunim nga dy nivelet udhëheqëse. Të riatdhesuarve komuna e Pejës ka mundësi tu jep mbështetje sociale, shëndetësore,qasje ne arsimim dhe regjistrimin e tyre, por aspekti i sigurimit të banimit të riatdhesuarve është problematik pasi që kapacitetet e komunës janë të vogla të krijojë kushte për akomodimin e tyre, kështu që kërkohet një mbështetje më e madhe e institucioneve qendrore, ka thënë kryetari Ali Berisha ne këtë takim.
Muaji qershor për ministrinë e integrimeve evropiane është muaj në të cilin do të komunikojmë drejtpërdrejtë me udhëheqësit e komunave për të identifikuar sfidat problemet në mënyrë që të rrisim koordinimin mes nesh dhe suksesi të jetë më i prekshëm dhe më i arritshëm. Peja është një shembull i shkëlqyer i riintegrimit të personave të riatdhesuar, është një shembull i shkëlqyer i përmbushjes së kritereve që dalin si pjesë e angazhimeve që ka Kosova në procesin e integrimeve evropiane.Duke e ditur se komunat nuk kanë kapacitet të mjaftueshëm financiar që të përballen me procesin e riintegrimit, Qeveria e Kosovës ka ndarë një fond prej 3.5 milionë euro, në të cilin fond duhet krijuar qasje edhe komunave,sepse në procesin e integrimeve Kosovës i janë vënë më shumë kritere se vendeve tjera në këtë fazë, por Kosova e ka kuptuar procesin e integrimit evropian i cili në esencë perbenë një pako reformash që Kosova ia ka borxh vetvetes dhe qytetarëve të vet e jo ndonjë instance ndërkombëtare. ” ka thënë ministrja Çitaku.
Tema e të riatdhesuarve dhe e riintegrimit janë tema të rëndësishme në procesin e liberalizimit dhe integrimeve evropiane dhe temë e bisedimeve në takimet që autoritete të larta të Kosovës kanë pasur me përfaqësues të shteteve dhe bashkësisë ndërkombëtare.
Bashkësia Evropiane ka filluar të ketë një rol me aktiv në procesin e riatdhesimit dhe riintegrimit të personave të riatdhesuar sidomos të komuntetet pakic dhe pikërisht kjo ishte tema e qellimit të vizitës së Ministres së Integrimeve Evropiane Vlora Qitaku në Pejë e cila u prit nga Kryetari Ali Berisha i shoqeruar nga Shefi i zyrës për kthim dhe komunitete dhe përfaqësuesi i Zyrës për Integrime Evropiane dhe bashkëpunëtor të tjerë.
