Kryetari i Komunës së Pejës, z.Gazmend Muhaxheri së bashku me Drejtorin për Zhvillim Ekonomik, z.Nasret Hajrizi dhe Udhëheqësin e Sektorit për Turizëm, z.Virtyt Morina kanë pritur në takim Kryetarin e Bjeshkatarëve të Sllovenisë, z.Jože Rovan, të cilin në takim e kanë shoqëruar Kryetari i Federatës së Bjeshkatarisë dhe Ngjitjes Sportive të Kosovës, z.Arianit Nikqi, si dhe Sekretari i Shoqatës së Bjeshkatarëve Gjeravica, z.Raif Gjikolli.
Gjatë takimit kanë diskutuar rreth zhvillimit të bjeshkatarisë dhe shkëmbimit të ideve për zhvillimin e bjeshkatarisë dhe turizmit të qëndrueshëm.
Grupi i bjeshkatarëve nga Sllovenia janë ekspert të zhvillimit dhe markimit të shtigjeve malore, të cilët për dy ditë do të zhvillojnë një trajnim për anëtarë të shoqatave te ndryshme nga Kosova dhe Shqipëria, që është mundësuar nga Federata e Bjeshkatarisë dhe Ngjitjes Sportive të Kosovës dhe Shoqatës së Bjeshkatarëve Gjeravica nga Peja.
