Komuna e Pejës, këto ditë do të ketë manifestim letrar kushtuar poetit të shquar të letërsisë shqipe Azem Shkreli.
Nën patronatin e kryetarit të komunës së Pejës, Ali Berisha si dhe këshillit organizativ të formuar nga Drejtoria për Kulturë ,Rini dhe sport më datë 24 maj 2010,në ora 11:00 në Teatrin “Istref Begolli” në Pejë, do të mbahet Manifestim tradicional për nder të lirikut dhe poetit të shquar të letërsisë shqipe,Azem Shkreli.
Ketë vit në dallim nga takimet e më parme, do të këtë risi organizative,qoftë në koncept organizativ,po ashtu edhe në kuptim të vlerave të përfaqësuesve artistik.
Takimet fillojnë me zërin e poetit të ndjerë Azem Shkreli, në shenjë kujtimi për zanoret e tij krijuese interpretuese, pastaj do të fillojë ana zyrtare e paraqitjes së skenarit me pika programore.
Në këtë manifestim do të bëhet leximi i tri kumtesave-studimeve nga fusha e letërsisë.
Me kumtesa paraqiten: prof.dr .Bashkim Kuçuku, prof.dr.Sali Bashota dhe prof.dr.Xhavit Aliçkaj.
Në pjesën akademike të manifestimit do të këtë edhe gërshetim interpretimi artistik, si dhe do të ndahen shpërblimet,për Çmimin e parë për kontribut të veçantë në letërsi dhe për Çmimi e dytë“Bulëzat”.
Ndërsa në pjesën e dytë të manifestimit do të mbahet, Ora qendrore letrare në ambientin atraktiv “Art Design” në Drelaj të Rugovës në ora 14:00, në këtë manifestim do të marrin pjesë rreth 30-të, poetë nga të gjitha trojet shqiptare më poezitë e tyre.
zip-k.shala
Komuna e Pejës, këto ditë do të ketë manifestim letrar kushtuar poetit të shquar të letërsisë shqipe Azem Shkreli.
