Është mbajtur mbledhja e III-të e Komitetit për Politikë dhe Financa (KPF) për vitin 2025 e Kuvendit Komunal të Pejës e kryesuar nga z.Rexhep Kurtbogaj.
Në këtë takim janë shqyrtuar raportet dhe rekomandimet e dhëna nga Kryetari i Komunës dhe Drejtoritë e SHCK, në bazë të rendit të ditës:
1.Shqyrtimi dhe miratimi i Procesverbalit të KPF-së, të datës 18.02.2025.
2.Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme komunale me pronën e pronarëve privat Leutrim (Florim) Kelmendi me ¼ dhe Ramë (Bajram) Muzlijaj me ¾, për qëllim të interesit publik: Krijimi i hapësirës për varreza në fshatin Ramun.
3.Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme komunale me pronat e pronarëve privat me shtëpi në pronësi të Anxha (Radosav) Ivanoviq dhe Radosav (Bogdan) Ivanoviq, me shtëpi në pronësi të Zeqir (Beqir) Ajdini dhe me shtëpi në pronësi të Zeqir (Beqir) Ajdini, për qëllim të interesit publik: Rregullimin e sipërfaqes publike buzë lumit Lumbardhë dhe shtratin e lumit Lumbardhë.
4.Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme komunale me pronën e pronarit privat Kimete (Adem) Hasaj (banesë), për qëllim të interesit publik: Ndërtimi i Qendrës Kryesore Familjare.
5.Shqyrtimi dhe rekomandimi i propozimit të Kryetarit të Komunës për këmbimin e pronës së paluajtshme komunale me pronat e pronarëve privat Shkelzen (Ismajl) Gutiqi, Qehaja Group SH.P. K, Raif (Hivzi) Kelmendi me 6/7 dhe Ali (Hivzi) Kelmendi me 1/7, për qëllim të interesit publik: Rregullimi i shtratit të Lumbardhit.
6.Shqyrtimi dhe rekomandimi për propozim – shfuqizimin e Vendimit Nr. 03/2025 me Nr. protokolli 463/01-10508, të datës 28 Shkurt 2025 K.K. Pejë, mbi miratimin paraprak për dhënien në shfrytëzim afatgjatë të pronës së paluajtshme komunale në ZK Lutogllavë për panela solare, me negocim nga Kryetari i Komunës, sipas kërkesës për rishqyrtim të aktit nga MAPL, me Nr. 020-128/3, të datës 24.03.2025.
7.Shqyrtimi dhe miratimi i propozimit të Kryetarit të Komunës për dhënien në shfrytëzim afatgjatë të pronës së paluajtshme komunale, ZK Lutogllavë për panela solare, me negocim nga Kryetari i Komunës.
8.Rishqyrtimi dhe rekomandimi për miratim paraprak për dhënien në shfrytëzim afatgjatë të pronës së paluajtshme komunale, ish – Zyret e QPS-së, sipas kërkesës për rishqyrtim të aktit nga MAPL, me Nr. 020-8/16 të datës 25.03.2025.
9.Rishqyrtimi dhe miratimi i Rregullores, Nr.01-2025 (KPE) për Shërbimin e Transportit me Merimangë në territorin e Komunës së Pejës, të datës 31.01.2025, në kërkesë të MMPHI-së, Nr. 04-1944, të datës 25.02.2025.
10.Shqyrtimi dhe rekomandimi i informatës së Zyrës për Komunitete mbi procesin e kthimit dhe riatdhesimit për vitin paraprak dhe Planin e Zyrës për Komunitete për 2025.
11.Pyetjet dhe propozimet lidhur me punën e Komunës, të ngritura nga anëtarët, në atë renditje, siç janë pranuar.
