Me përkujdesjen e Kryeministrit të Republikës së Kosovës z.Hashim Thaqi dhe në mbështetje të Kryetarit të Komunës së Pejës z.Ali Berisha në fshatin Shkrel të Rugovës është shënuar 132 vjetori i Betejës së Nokshiqit,betejë e shquar e kohës së Lidhjes Shqiptare të Prizrenit me një Akademi Përkujtimore dhe me përurimin e Qëndresë Përkujtimore të Rexhajve të Shkrelit.
Në emër të këshillit organizues dhe në emër të familjes foli Ibrahim Rexhaj,kurse fjalën e hapjes dhe një vështrim për trimat e asaj kohe të Rexhajve të Shkrelit foli prof.Dr.Zymer Neziri. Me një fjalë përshëndetëse doli edhe rektori i Universitetit të Prishtinës Mujë Rugova.
Në emër të Institucioneve Komunale në Pejë foli kryetari Ali Berisha:Kemi ardhur sot këtu për ti nderuar trimat dhe dëshmorët e betejave të mëdha që dalin si rezultat i vendimeve të Lidhjes Shqiptare të Prizrenit. Po takohemi sot përsëri si dikur me Shkrelasit ne Qafë të Rexhajve,po takohemi me heroizmin e këtyre trimave që u benë protagonist të ngjarjeve të mëdha të kombit shqiptar. Sot në këtë vend po përurojmë këtë qendër përkujtimore,sepse pikërisht nga ky vend këta burra bashkë me shumë luftëtar të tjerë të Shkrelit u nisen në ato beteja të lavdishme,ne Nokshiq,ne Moraq,ne Smilovic,ne Beran e kudo tjetër ne mbrojtje te kufirit.
Në fjalën përshendetëse Kryeministri Hashim Thaqi tha se Rugova është një krahinë e lashtë e cila përherë është përballur me luftëra të përgjakshme dhe kjo trevë gjithmonë ka dhen trima e heronj. sepse fati ka qenë që kjo krahinë të jetë në zonën kufitare dhe sa herë është rrezikuar kufiri nga Mali i Zi Rugova e ka mbrojtur.
Në fund është prezantuar një program i pasur artistik nga Ansambli Autokton Rugova dhe nga Aktori i njohur Çunë Lajqi me një recital për luftën e Nokshiqit.
Me përkujdesjen e Kryeministrit të Republikës së Kosovës z.Hashim Thaqi dhe në mbështetje të Kryetarit të Komunës së Pejës z.Ali Berisha në fshatin Shkrel të Rugovës është shënuar 132 vjetori i Betejës së Nokshiqit,betejë e shquar e kohës së Lidhjes Shqiptare të Prizrenit me një Akademi Përkujtimore dhe me përurimin e Qëndresë Përkujtimore të Rexhajve të Shkrelit.
