Kryetari i Komunës Ali Berisha udhëhoqi takimin e rregullt me Drejtoret e Drejtorive të Shërbimit Civil Komunal,ku u shqyrtuan disa pika të rendit të ditës dhe shumica prej tyre u aprovuan për procedim të mëtutjeshëm.
Pas rishqyrtimit të kërkesës së DKRS për realizimin e shfaqjes “Varri i qyqes”të autorit Azem Shkreli është aprovuar për procedim të mëtutjeshëm.
Janë lejuar mjetet në bazë të kërkesës së DSHMS për shpalljen e tenderit për rregullimin e rrethojës dhe infrastrukturës së jashtme të Ambulantes në B.T.Kristali.
Rekomandimet e DPKSHP për lejimin e mjeteve për realizimin e disa projekteve të aprovuara për vitin 2011 janë aprovuar për procedim dhe tenderim.
Janë aprovuar disa rekomandime të DZHE të cilat kanë të bëjnë kryesisht me projektet për zhvillimin e turizmit si në qytet ashtu edhe në zonën e Rugovës,projekte këto ne participim me donator të jashtëm si dhe projekti për shtegun kulturor në qytetin e Pejës.
Drejtoria për Bujqësi i ka rekomanduar disa kërkesa dhe shumica prej tyre janë aprovuar për procedim ku vlen të ceket kërkesa për aprovimin e planit vjetor të prerjes dhe pastrimit të trungjeve ne ngastrat e caktuara në territorin e Komunës së Pejës,pastaj përkrahje me derivate për pastrimin e kanaleve të ujitjes për disa fshatra.
Në takim janë shqyrtuar dhe janë aprovuar edhe disa kërkesa tjera nga Drejtorit përkatëse në bazë të planit të punës,kurse disa rekomandime janë shtyrë për kompletim të dokumentacionit.
Takimi i rregullt i radhës pritet të mbahet në pjesën e parë të muajit Qershor 2011.
Kryetari i Komunës Ali Berisha udhëhoqi takimin e rregullt me Drejtoret e Drejtorive të Shërbimit Civil Komunal,ku u shqyrtuan disa pika të rendit të ditës dhe shumica prej tyre u aprovuan për procedim të mëtutjeshëm.
