Në sallën e Kuvendit Komunal në Pejë është mbajtur mbledhja konstituive e Ekipit për të Drejtat e Fëmijës, me pjesëmarrjen e përfaqësuesve institucionalë dhe akterëve relevantë, që kontribuojnë në mbrojtjen dhe promovimin e të drejtave të fëmijëve.
Mbledhjen e hapi Kryesuesi i Ekipit për të Drejtat e Fëmijës, z.Gazmend Muhaxheri, i cili i përshëndeti të pranishmit dhe theksoi rëndësinë e bashkëpunimit ndërinstitucional për forcimin e mekanizmave lokalë në mbrojtjen dhe avancimin e të drejtave të fëmijëve në Komunën e Pejës.
Gjatë mbledhjes u diskutuan dhe u miratuan disa pika të rëndësishme të rendit të ditës, përfshirë vendimin për rikonstituimin e Ekipit për të Drejtat e Fëmijës, vendimin për themelimin e Sekretariatit të Ekipit, si dhe shqyrtimin e Planit të Punës për periudhën 2024–2026.
Është formuar Ekipi për të Drejtat e Fëmijës, në këtë përbërje:
1.Gazmend Muhaxheri – Kryesues – Kryetar i Komunës së Pejës.
2.Albulena Bajraktaraj – Zëvendëskryesuese – Drejtoria e Mirëqenies Sociale.
3.Faik Jahmurataj – Anëtar – Stacioni Policor në Pejë.
4.Naser Gega – Anëtar – Drejtoria për Arsim.
5.Petrit Loci – Anëtar – Drejtoria e Shëndetësisë.
6.Xhenet Syka – Anëtare – Drejtoria për Kulturë, Rini dhe Sport.
7.Diellëza Berisha – Anëtare – Drejtoria për Buxhet dhe Financa.
8.Kaltrina Lajqi – Anëtare – Komiteti për Politikë dhe Financa, nga Kuvendi Komunal.
9.Dafina Draga – Anëtare – Komiteti për Komunitete, nga Kuvendi Komunal.
10.Drita Krasniqi – Anëtare – NJDNJ/Zyrtare për Mbrojtjen e Fëmijëve, Komuna e Pejës.
11.Shpat Morina – Anëtar – Qendra për Punë Sociale.
12.Naser Lajqi – Anëtar – OJQ “Syri i Vizionit”.
Në cilësinë e anëtarëve vëzhgues dhe këshilltarëve të jashtëm janë:
1.Përfaqësues/e i/e fëmijëve.
2.Përfaqësues/e i/e Këshillit të Prindërve.
3.Përfaqësues/e i/e Avokatit të Popullit.
4.Përfaqësues/e i/e Organizatave Ndërkombëtare.
5.Përfaqësues/e i/e Organizatave Vendore.
Sekretariati i ekipit caktohet Zyrtari/ja për mbrojtje të fëmijës – Njësia për të Drejtat e Njeriut pranë Komunës, mbështetur nga Kabineti i Kryetarit, për të koordinuar, monitoruar dhe zhvilluar aktivitetet e nevojshme për punën e Ekipit.
Detyrat dhe përgjegjësitë e ekipit përcaktohen sipas Ligjit Nr.06/L-084 për Mbrojtjen e Fëmijës dhe Udhëzimit Administrativ (QRK) Nr.06/2022.
Anëtarët e ekipit theksuan rëndësinë e koordinimit dhe bashkëpunimit të vazhdueshëm ndërmjet institucioneve dhe organizatave përkatëse për të siguruar zbatimin e politikave dhe aktiviteteve, që synojnë përmirësimin e mirëqenies së fëmijëve dhe mbrojtjen e të drejtave të tyre.
