Kryetari i Komunës së Pejës, z.Gazmend Muhaxheri i shoqëruar nga Nënkryetari i Komunës, z.Fatmir Asllani dhe Shefi i Kabinetit, z.Faik Zekaj pritën në takim Ambasadorin e Republikës së Turqisë në Kosovë, z.Sabri Tunç Angıli dhe Kolonelin
z.Harun Elitaş.
Në këtë takim u diskutua për marrëdhëniet e deritanishme të bashkëpunimit ndërmjet Komunës së Pejës dhe institucioneve të Republikës së Turqisë, si dhe për mundësitë e zgjerimit të këtij bashkëpunimi në fusha me interes të ndërsjellë.
Kryetari Muhaxheri shprehu mirënjohjen për mbështetjen e vazhdueshme, që Republika e Turqisë dhe Kontingjenti Turk në kuadër të KFOR-it kanë dhënë për zhvillimin dhe sigurinë në komunë, duke theksuar rëndësinë e vazhdimit të këtij partneriteti.
Ambasadori Angıli dhe Koloneli Elitaş riafirmuan përkushtimin për thellimin e bashkëpunimit dhe vazhdimin e mbështetjes ndaj Komunës së Pejës.
