Kryetari i Komunës së Pejës, i cili është edhe Kryesues i Këshillit Komunal për Siguri në Bashkësi, z.Gazmend Muhaxheri ka nderin t’ju ftojë të merrni pjesë në mbledhjen e pestë me radhë për këtë vit, që do të mbahet të mërkurën, më 11.11.2026, nga ora 10:00, në sallën e Kuvendit Komunal.
Ky takim do të trajtojë çështje me rëndësi, që ndërlidhen me sigurinë në bashkësi, sfidat aktuale dhe masat për përmirësimin e sigurisë sipas pikave të përcaktuara në rendin e ditës, si dhe do të shqyrtojmë draft-planin e punës për vitin 2027.
1.Hapja e mbledhjes, prezantimi dhe miratimi i rendit të ditës, shqyrtimi dhe miratimi i procesverbalit të mbledhjes së kaluar, si dhe prezantimi i draft-planit të punës për vitin 2027, z.Fatmir Asllani – Koordinator i KKSB-së;
2.Fjala hyrëse dhe paraqitja e gjendjes aktuale në territorin e Komunës së Pejës, z.Gazmend Muhaxheri – Kryetar i Komunës;
3.Raport për gjendjen e sigurisë në territorin e Komunës së Pejës, përfaqësuesi i Stacionit të Policisë në Pejë;
4.Raportimi i përfaqësuesit të FSK-së lidhur me kontributin dhe bashkëpunimin në funksion të sigurisë dhe mbështetjes së komunitetit, z.Vedat Shatri – Toger.
5.Informim nga Kryetarja e Këshillit të prindërve lidhur me takimin e fundit me prindër dhe përfaqësuesit e nivelit qendror, si dhe çështjet e ngritura për funksionimin e rregullt të Këshillit të Prindërve, znj.Arta Kollçaku;
6.Raportimi i Zyrës për Komunitete lidhur me gjendjen, sfidat dhe shqetësimet e komuniteteve jo-shumicë në aspektin e sigurisë dhe bashkëjetesës në komunitet, znj.Adelina Kovaceviq;
7.Raport mbi aktivitetet e realizuara, angazhimet dhe përgjegjësitë institucionale të Zyrës për Barazi Gjinore në promovimin dhe avancimin e barazisë gjinore në nivel lokal, znj.Samka Drançolli;
8.Informim nga përfaqësuesja e OJQ-ve lidhur me sfidat, qasjen dhe sigurinë e personave me aftësi të kufizuara, me theks të veçantë kontributi i tyre (OJQ-ve) në promovimin e sigurisë, përfshirjes në jetën e përditshme dhe mirëqenies së qytetarëve me aftësi të kufizuar, znj.Fitore Cena.
Diskutime dhe pyetje nga anëtarët e KKSB-së.
